Maha Sir Mo Farah waa Sir Xuseen Cabdi Kaahin

 Xiddigga Olombikada ayaa BBC-da u sheegay in ay u bixiyeen magaca Maxamed Faarax qolodi ka soo Kaso kaxeyeen Jabuuti ee keenay UK. Magaciisa dhabta ah waa Xuseen Cabdi Kaahin.

Isaga oo sagaal jir ah ayaa laga soo duuliyay waddanka Jabuuti waxaana la geeyay UK, waxa ka shaqesay howshaasi haweenay aanu waligeed la kulmin, ka dibna waxa laga dhigay in uu daryeelo carruur qoys kale dhalayn, filim dokumentari ah oo ay diyaariyeen BBC-da iyo Red Bull Studios, oo lasii daayey Arbacadii, ayuu ku sheegay in waalidkii aanay waligood tagin UK, hooyadiis iyo laba walaalo ah ayaa ku nool beer qoyskooda oo ku taal gobolka waqooyi galbeed ee Soomaaliya.

Aabihii, Cabdi, waxaa dhimashadiisu sababtay rasaas habow ah isagoo Sir Mo ahaa afar sano jir. Dhowrkii sano ee ugu horeysay qoysku uma oggolaan inuu aado iskuul, laakiin markuu ahaa 12 jir wuxuu iska diiwaan geliyay Feltham Community College. Shaqaalaha ayaana loo sheegay in Sir Mo uu ahaa qaxooti ka yimid Soomaaliya.

Macallimadisii hore Sarah Rennie ayaa BBC-da u sheegtay in uu dugsiga yimi isagoo daryeel la’aan xooga ka muuqato iyo in uu ku hadli jiray Ingiriisi aad u yar.

Macallinkisi Physical Education wuxuu la xiriiray social service’ka wuxuuna ka caawiyay Sir Mo in ay koriyaan qoys kale. Sir Mo waxa uu bilaabay in uu magac ku yeesho ciyaaraha fudud isaga oo 14 jir ah waxa lagu martiqaaday in uu u tartamo dugsiyada Ingiriiska tartan ka dhacay Latvia balse ma aanu haysan wax dukumeenti socdaal ah.

Mr Watkinson waxa uu ka caawiyay in uu ku codsado dhalashada Ingiriiska isagoo wata magaca Mohamed Farah, taasoo la siiyay July 2000.

Ugu danbeyn Sir Mo waxa uu sheegay in uu doonayo in uu sheekadiisa ka sheekeeyo si uu uga hor tago aragtida dadweynaha ee ka ganacsiga muqalasnimada iyo addoonsiga.

WT: Yusuf Sodal